വിതച്ചതു കൊയ്യുമ്പോള്......
ഭൂരിപക്ഷം വിശ്വസിക്കുന്നത് എപ്പോഴും
സത്യമാവണമെന്നില്ല. പെട്ടന്നൊരു ദിവസം ഉണ്ടാവുന്ന വിവാദങ്ങളിലും കൊലാഹലങ്ങളിലും
വികാരഭരിതരായി പലരും സത്യത്തെ തിരിച്ചറിയുന്നില്ല.
ശരിയാണ് തെരുവുനായകള് ആളുകളെ കടിക്കുന്നുണ്ട്...കുട്ടികളും സ്ത്രീകളും അടക്കമുള്ളവര്
ക്രുരമായി ആക്രമിക്കപ്പെടുന്നു.
ഈ ഭുലോകത്ത് മനുഷ്യനൊഴിച്ച് മറ്റൊരു ജീവജാലങ്ങളും സ്വാര്ത്ഥ താത്പര്യങ്ങള്ക്കായി
പ്രവര്ത്തിക്കുന്നില്ല. ഒരു സര്പ്പം അതിന്റെ ജീവരക്ഷക്കായി ഒരു മനുഷ്യനെ
ആക്രമിക്കുന്നു. ഒരു സിംഹം ഇരപിടിക്കാന് ഒരു മാനിനെ കൊല്ലുന്നു. കാട്ടാനക്കൂട്ടം
തങ്ങളുടെ ആവാസ വ്യവസ്ഥ തകരുമ്പോള് നാട്ടിലേക്കിറങ്ങുന്നു ( കാടു കയ്യേറുന്നതും
നശിപ്പിക്കുന്നതും നമ്മള് മനുഷ്യരാണെന്ന് ഓര്ക്കണം). തന്റെ മുന്നില് കൈകൂപി
നിന്നു അപേഷിച്ച മനുഷ്യനെ വിശപ്പു മാറിയതിനാല് ആക്രമിക്കാതെ നിന്ന കടുവയേയും,
കല്ലെറിഞ്ഞു കടുവയെ പ്രകോപിതനാക്കി, ആ മനുഷ്യന്റെ മരണത്തിനു കാരണമായ മനുഷ്യരേയും
ഈ അവസരത്തില് ഓര്ത്തു പോകുകയാണ്.പ്രത്യക്ഷത്തില് ഇവയില് എല്ലാം ക്രുരത
ദ്രിശ്യമാകുമെങ്കിലും അവയിലെല്ലാം ന്യായീകരിക്കാവുന്ന ഒരു കാരണമുണ്ട്. എല്ലാം
നിലനില്പിന്റെ ഭാകമായി നടന്ന പ്രവര്ത്തികളാണ്. അവയ്ക്ക് പ്രകൃതി വിധിച്ച പ്രകാരം
അവ ജീവിക്കുന്നു.
എന്നാല് മനുഷ്യനോ? ആവശ്യതിലുമതികം ജീവ ജലം നല്കിയിട്ടും മണലെടുത്തു പുഴയെ
നശിപ്പിക്കുന്നു. തണലും തടിയും നല്കിയിട്ടും കാടുകള് വെട്ടിനിരത്തുന്നു. കാലങ്ങളോളം
തന്നെ തുണച്ച മാതാ പിതാക്കളെ വൃദ്ധസദനത്തിലാക്കുന്നു. തനിക്കു പേരും വിലാസവും
പെരുമയും തന്ന നാടിനെ ഒറ്റിക്കൊടുക്കുന്നു. വിശപ്പിനു വേണ്ടി അല്ല പകരം ആടംബര ജീവതത്തിനു
വേണ്ടിയാണു അവന് മോഷ്ടിക്കുന്നത്. ആരുമറിയാതെ കളം വിട്ടുമാറിയിരുന്ന കള്ളന്മാര്
ഇന്ന് പഴങ്കഥയാണ്. മോഷണശ്രമങ്ങള് അതിക്രൂരമായ കൊലപാതകങ്ങളില് കലാശിക്കുന്നു. ഇങ്ങനെ
പോകുന്നു മാനവചരിതങ്ങള്. എല്ലാം എനിക്ക് മാത്രം എന്ന അടങ്ങാത്ത ചിന്ത അവനെ
കീഴടക്കിയിരിക്കുന്നു. അവന് സ്വയം മറന്നിരിക്കുന്നു. സര്വോപരി മതമിളകിയ ഒരു
മതയാനയേക്കാള് അവന് അപകടകാരിയായിരിക്കുന്നു.
ഇനി തെരുവുനായ ശല്യത്തിലേക്ക് തന്നെ തിരിച്ചു വരാം. വിഷയം ഇപ്പോ ചൂടപ്പം പോലെ
വിറ്റഴിഞ്ഞു പോയികൊണ്ടിരിക്കുകയാണല്ലോ. എന്ത് കൊണ്ടാണ് ഇപ്പൊ ഈ പ്രശ്നം ഇത്ര
രൂക്ഷമായിരിക്കുന്നത് ? എന്താ പണ്ട് തെരുവു നായ്കളില്ലേ? അതോ, ഇനി അവെരെങ്ങാനും പത്ര
ദ്രിശ്യ മാധ്യമങ്ങളിലൂടെ തങ്ങള്ക്കു വന്ന പ്രശസ്തിയെക്കുറിച്ച് അറിഞ്ഞുകാണുമോ?
എന്നാ പിന്നെ കാര്യമായിട്ടങ്ങോട്ടു ആക്രമണം നടത്താം എന്ന് കമ്മിറ്റി കൂടി
തീരുമാനിച്ചിരിക്കുമോ? കാര്യം വേറൊന്നുമല്ല. ഈ പത്രക്കാരും ദൃശ്യമാധ്യമങ്ങളും നാട്
മുഴവന് നടന്നു ഇത്തരത്തിലുള്ള വാര്ത്തകള് തേടി പിടിച്ചു റിപ്പോര്ട്ട്
ചെയ്യുകയാണ്. അവര്ക്കിതൊരു ‘SENSATIONAL NEWS’ ആണ്. പട്ടി കടിച്ചാലും ഇല്ലെങ്കിലും ഈ വിഷയം
ഉണര്ത്തുന്ന ‘ഭീതി’ മാധ്യമങ്ങളെ നന്നായി സഹായിക്കുന്നു. വായനക്കാരെ
പിടിച്ചിരുത്താനുള്ള ഒന്നാംതരം ഒരു വിഷയം. പലപ്പോഴും ഗുരുതരമായ പല പ്രശ്നങ്ങളുമാണ്
മികച്ച കച്ചവട അവസരങ്ങള് ഒരുക്കുന്നത്. മാധ്യമങ്ങളില് ഇടയ്ക്കിടയ്ക്ക് വരുന്ന പല
പേരിലുള്ള പനികള് നിങ്ങള്ക്ക് പരിചിതമാണല്ലോ. മരുന്ന് കമ്പനികളുടെ ഇടപെടലുണ്ട് ഇതില്
എന്ന പ്രസിദ്ധമായ ആരോപണം, ഇതിന്റെ കൂടെ ചേര്ത്തു വായിക്കേണ്ടതാണ്. തെരിവു നായ
വിഷയത്തില് അത്തരത്തിലുള്ള ഇടപെടലുകള് ഉണ്ട് എന്ന് പറയാന് കഴിയിലെങ്കിലും ‘PAID
NEWS ‘ ന്റെ ഇക്കാലത്ത് അതും സംശയിക്കാം.
ഇനി തെരുവുനായകള് കാര്യമായി തന്നെ ആക്രമണം നടത്തുനുണ്ട് എന്നു തന്നെ വയ്ക്കുക.
ആരാണു ഇതിനുത്തരവാദി? നമ്മള് മനുഷ്യരു തന്നെ ആണ് ഈ കഥയിലെ വില്ലന്മാര്. അനുകൂല
സാഹചര്യമൊരുക്കി അവയ്ക്ക് സ്വതന്ത്രമായി സ്വച്ചന്തമായ് വിഹരിക്കാന് നമ്മള് തന്നെ
അവസരം ഒരിക്കിയിരിക്കുന്നു. തെരുവ്നായ്കളിലതികവും ഉപേക്ഷിക്കപ്പെട്ട വളര്ത്തു നായ്കളാണ്.
കൂടാതെ മനുഷ്യ നിര്മിതമായ മാലിന്യ കൂമ്പാരങ്ങള് ഇവക്കു വളരെ അതികം സഹായം ചെയ്യുന്നു.
ഇവയില് ഭുരിഭാഗവും ഗാര്ഹിക വ്യാവസായിക മാലിന്യങ്ങളും കൂടാതെ അറവു ശാല
മാലിന്യങ്ങളുമാണ്. ഇവയെല്ലാം അനാവശ്യമായി പൊതു സ്ഥലങ്ങളില് ഉപേക്ഷക്കുമ്പോള്
പലരും അറിയുന്നില്ല നമുടെ തെറ്റിന്റെ പരിണിത ഫലം കൂര്ത്ത പല്ലുകളും നഖങ്ങലുമായി
നമ്മുടെ വേണ്ടപെട്ടവരെ തന്നെ തേടിയെത്തുന്നു എന്ന്.
പാവം മിണ്ടാപ്രാണികള്ക്ക് യാതൊരു വിധത്തിലുള്ള ഗൂഡ ലക്ഷ്യങ്ങളുമില്ല എന്നാല്
മനുഷ്യര് പലപ്പോഴും അങ്ങനെ അല്ല.....
തെരുവുനായകളല്ല യഥാര്ത്ഥ പ്രശ്നം
മറിച്ച് മാലിന്യമാണ്. അതിന്റെ ഒരു ഉത്പന്നം മാത്രമാണ് തെരുനായ ശല്യം. കൂടുതല്
വിപത്തുക്കള് കാലം നല്കുന്നതിനു മുന്പ്, പ്രായോകികമായ ഫലവത്തായ മാലിന്യ നിര്മാര്ജന
രീതികള് നമ്മള് കൈകൊള്ളേണ്ടതുണ്ട്.
Comments
Post a Comment